العودة   منتديات شباب اليوم > المنتدي العام والنقاش > منتدي المواضيع العامة والنقاش



السيد الغزالي يعاني في معتقلات مصر !

الشخص ده مش من النجوم ولا من النشطاء .. ملوش أحزاب في ضهره ولا جماعات ولا جمعيات حقوقية .. بس لا خير فينا لو موقفناش كلنا جنبه وجنب أهله !

  1
MOODY
الشخص ده مش من النجوم ولا من النشطاء .. ملوش أحزاب في ضهره ولا جماعات ولا جمعيات حقوقية .. بس لا خير فينا لو موقفناش كلنا جنبه وجنب أهله !

السيد أحمد مصطفى أو الشهير بالسيد الغزالي عنده 46 سنة اعتقل بتاريخ 25 يناير 2014 وهو ماشي بسيارته في المنصورة من كمين في الشارع ولبسوه في أحداث 25 يناير في المنصورة كلها !

السيد عنده ضمور في الأطراف الأربعة . عنده ارتفاع في ضغط الدم وارتفاع في نسبة السكر في الدم وقصور في شرايين القلب !

الغزالي 12523854_10154133711

راح سجن المنصورة .. ثم سجن برج العرب .. ثم قسم أول المنصورة ثم سجن برج العرب !

اتعرض على لجان تابعة للنيابة وتابعة لبعض السجون بعد اصابته بذبحة صدرية في المعتقل وكلها أوصت له بالراحة التامة وعدم التعرض لأي إجهاد وعمل عملية قسطرة في القلب أثناء تواجده في سجن جمصة وكله مثبت بالتقارير .. لدرجة إن في سجون رفضت استقباله لحالته المتردية !

أخد 10 سنين سجن .. ومرضه لم يشفع له في النقض إنه يتثبت عليه الحكم ويتكتب عليه إنه يقضي 10 سنين كاملين بالسجن .. يعني باختصار يموت هناك !

السيد اتعمله استشكالات كثيرة علشان يفضل في سجن المنصورة لأنه الأكثر راحة بالنسبة لبقية السجون ويكون جنب أهله وكلها قوبلت بالرفض !

في آخر ترحيلة له من سجن المنصورة لسجن برج العرب . .الترحيلة أخدت 10 ساعات .. وصل السجن مغمى عليه .. زوجته راحت زيارة بعد اربع ايام لقته مرمي في مستشفى السجن بلا أي رعاية !

زوجته طلبت نقله للمستشفى الضابط قال لها ميستاهلش أخرج له حراسة مخصوص علشان يروح المستشفى وكتر خيري إني نقلته من العنبر أصلا !

أهله بيستغيثوا .. مش عاوزينه يخرج .. عاوزينه بس يعيش ويتعالج !

لكل من تبقى عنده ضمير .. انشر عن الراجل ده .. اعتبروه شاب معتقل متصور بكاميرات بروفيشنال وناشط ومعروف !

اعتبروه إسراء الطويل أو حتى معتقل التيشرت أو محمد سلطان ..

اقولكوا .. اعتبروه د.فريد اسماعيل أو د.طارق الغندور .. وخلونا نبدأ نقول الله يرحمه من دلوقتي وخلاص !


Powered by vBulletin®Copyright ©2000 - 2014
جميع الحقوق محفوظة لمنتديات شباب اليوم 2013-2014-2015-2016-2017