العودة   منتديات شباب اليوم > منوعات شباب اليوم > مدونات الأعضاء الشخصية .قسم خاص للتدوين



  7
Sp!deR M@N
سؤال سألته لنفسي من زمان وسألته لنفسي كتير
ليــــه؟ ,, ليه مش اعيش لوحدي؟
ليه مش ابقي وحيد مع نفسي ,, محدش يسأل عليا وانا مش اسال علي حد
محدش يزعل مني ولا انا ازعل من حد
محدش يسببلي الاذي ومسببش لحد اذي

كتير يقولوا الوحدة متنفعش ,, ومنقدرش نعيش من غير ناس ,, ووسط ناس ,, بين الناس
وان الواحد لواحده لو عاش وحيد يموت ,, لو عاش من غير اصحاب واصدقاء يموت
لو عاش من غير اخوات يموت ,, لو عاش من غير اهل يموت


بس للاسف انا واحد من الناس شايف ان الراحة في الوحدة عن كل الناس
وان الناس تكون مجرد اشخاص بنتعامل معاها لتقضية الحاجة والمصلحة فقط

لاننا لما بنعامل الناس اوقات بنجرحهم من غير ما نقصد
اوقات بنسببلهم الاذي من غير ما نقصد
وفي الغالب مفيش حد علي الاطلاق مش جرحته او اذيته
خصوصا الناس القريبة ليا ,, كنت السبب في اذي كبير ليهم ,, من غير ما اقصد والله
يمكن سذاجة زي ما كتير قالوا عليا ,, يمكن هبل مني زي ما برده كتير قالوا
اه كنت بتضايق من كلمتهم لما يقولوا عليا ساذج او اهبل او حتي عبيط
بس كنت بتوجع اكتر من ان الكلام ده حقيقة فعلا ومش قادر اغيره


وده بان اكتر في الناس اللي اذيتهم من غير ما اقصد ,, في الناس اللي سببتلهم مشاكل بسبب سذاجتي
فبجد كنت شايف اني لما كنت بقرر الوحدة كنت ببقي غلطان

لكن المرادي كان نفسي اخد القرار ده ,, بس صعب عشان مش ينفع اقرره لواحدي
بس يكفيني ابقي وحيد تماما باستثناء شخصية واحده
وهي اللي ان شاء الله شريكة حياتي هي اللي ليها استثناء
لكن بعدها مفيش غير الوحدة ليا سبيل امشي علي خطاه


لا اجرح حد ولا ازعل حد ولا اسبب لحد مشاكل
حتي لو اضطريت اجامل ,, لو اضطريت اكذب ,, لو اضطريت ابعد
حتي لو كنت بكده بموت
اموت من غير ما اجرح حد او ءأذي حد او ازعل حد
افضل بكتير من اني اموت وسايب ورايا جرح او اذي او زعل بسببي

ورسالة مني لكل الناس
معارف , زمايل , اصحاب , اصدقاء , اخوات , اهل , اقرب الناس ليا حتي بمثابة الاخ او الاخت
احب اقول للكل


انا آسف
بجد انا آسف ويا ريت تسامحوني
آسف علي كل جرح كل زعل كل مشكلة كل اذي كل حاجة وحشة كنت السبب فيها
سامحوني
  8
Sp!deR M@N
النهارده 16 مايو 2015 ~~ 16/5/2015 يوم مش عادي
ده يوم عيد ميلادي
هتستغربوا وتقولوا ازاي؟
هقولكم زي النهارده 16 مايو 2009 كان اول يوم ليا في الجنة
طبعا من جنة الفردوس اللي بندخلها في الآخرة
لكن ده اول يوم ادخل فيه الجنة اللي علي الارض
يعني اول يوم افتح عيني علي الدنيا الحلوة الدنيا الجميلة
الدنيا اللي كنت بتمناها وبحلم بيها عمري كله

===================

في الدنيا الجديدة دي
اول صوت سمعته كان صوت الكروان
واول وجه شوفته كان وجه القمر
واول لمسة لمستني كانت لمسة الملاك
كانوا صوت ووجه ولمسة امي واختي وحبيبتي وبنتي وكل حاجه في حياتي كلها
امي اللي جابتني للجنة الجميلة اوي دي
اختي اللي اخدت بايدي ووقفت جمبي
حبيبتي اللي امتلكت قلبي وروحي وعقلي وكل حياتي
بنتي اللي بتسمع كلامي وبتحترمني وبتشعرني بقوتي ومكانتي
كل حاجه في حياتي واحلي حاجه في دنيتي
نور هدايتي في عز ظلمتي
طوق النجاة في عز غرقاني


===================

16 مايو 2009
اليوم اللي اعترفت بحبي لاسماء واعترفت اسماء بحبها ليا
اليوم اللي اتكتبلي فيه عمر جديد وحياة جديدة
حياة كلها امل كلها حب كلها وفاء كلها امان كلها راحة كلها اسعد ايام حياتي
من اليوم ده وانا بعيش اجمل لحظات عمري
من اليوم ده واتبدل الظلام بالنور
واتبدل اليأس بالامل
واتبدل الحزن بالفرح
واتبدل الغلط بالصح
وكل حاجة وحشة في حياتي اتبدلت وجه مكانها كل حاجه حلوة

===================

النهاردة
16 مايو 2015
عيد ميلادي انا واسماء
بنحتفل بمرور سنة كلمة علي ميلادنا في دنيا حبنا
سنة كاملة من الحب والسعادة والوفاء والامان والامل
سنة مش هقول من اسعد سنين عمري
بس هقول ان دي اسعد واجمل سنة في حياتي كلها


===================

مش عايز اتكلم كتير اخاف اظلمك في تقصيري بكلامي
ومهما اتكلمت كتير مش هيعبر عن جزء من مليون من اللي جوايا

===================

كل سنة وانتي طيبة يا اسماء
كل سنة وانتي طيبة يا حبيبتي
كل سنة وانتي بخير وسعادة دايما
كل سنة وربنا حافظك وصاينك
كل سنة وانتي لربنا اقرب


===================

اسماء :: عندي كلمتين ليكي احبك تسمعيهم
انتي يا اسماء يوم ما قلتلك بحبك :: معرفش كانت طالعه مني ازاي :: حبيتك بكل ما املك من حب :: حبيتك بكل انواع الحب
بجد يا اسماء انتي احلي حاجة في دنيتي وحياتي كلها :: غيرتي كل حياتي للاحسن والافضل
مش هقدر اقول انتي عملتي ايه ليا وفيا ومش هقدر اقولك انتي كنتي السبب في ايه وايه وايه
لان والله وبحلف بربنا وربنا شاهد علي كلامي
ان اللي عملتيه ليا وفيا يا اسماء متوصفهوش حروف ولا كلمات

===================

ربنا يخليكي ليا يا اسماء يا رب وميحرمنيش منك ابدا ويخليكي دايما وابدا جمبي
وربنا يا رب يحقق حلمنا يا رب ويوفقنا ويجعلنا زوجين صالحين يجمعنا بيت واحد يا رب


===================

اسماء :: عايز اقولك انا آسف بجد :: آسف عن اي شئ وحش سببتهولك
عن اي حزن عن اي تعب عن اي اذي سببتهولك
لكن والله والله والله انا بحبك ونفسي احطك جوه عنيا واغطيكي برموشي
وافديكي بروحي وبكل ما املك
ارجوكي سامحيني عن اي حاجه عملتها غلط في حقك
وان كنت ظلمتك في بعض الاحيان
سامحيني يا اسماء

===================

وعايز اقولك ان مهما حصل ما بينا سواء حلو او وحش
سواء كنا دايما حلوين مع بعض او كنا بنتخانق
فمهما حصل بينا يا اسماء
انا عمري ما هلاقي الجنة ولا النعيم غير بين ايديكي ووانا معاكي
مهما حصل
لو هموت بين ايديكي
هكون اسعد انسان
لان اخر وجه هشوفه هو وجهك يا حبيبتي
ووانا شايف دموعك بتنزل عشاني


===================

انا مش عارف اقول ايه تاني
الكلام كتييييييير ومش قادر اعبر والله العظيم
بجد مش قادر بس حبي ليكي بحسه بيزيد مليون الضعف كل لحظة وكل ثانيا
ربنا يخليكي ليا يا رب يا اسماء وسامحيني عن اي حاجه وحشه عملتها في حقك
وان كنت سببتلك الكتير من الالم بجد آسف

===================

بحبك يا اسماء بحبك اوي يا سمسمتي
وانا آسف وسامحيني عن اي حاجه وحشه في حياتك كنت انا السبب فيها
وبإذن الله تعالي ربنا يقدرني يا حبيبتي
واحققلك كل آمالك واحلامك وربنا يقدرني واخليكي اسعد انسانه في الدنيا


===================

كل سنة وانتي طيبة يا اسماء
كل سنة وانتي طيبة يا اجمل واطيب وارق واحن قلب وملاك شوفتها في حياتي كلها
كل سنة وانتي طيبة يا سمسمتي
  9
ايمان محمد


بجد انا مش عارفه اقول ايه
بس بجد ده كتيير اوووووووووى عليا يا محمد
وميجيش حاجه جمب طيبه قلبك وحنيتك
وبجد انت اغلى حاجه ليا فى الدنيا
ربنا يخليك ليا يا حبيبى يارب

وميحرمنيش منك ابدااااا
ويحميك ويصونك ويحافظ عليك
وانا الى بجد اسفه على اى حاجه ضايقتك او زعلتك فيها
وان شاء الله مفيش حاجه تانى تحصل يا حبيبى
تسسسلملى يا حبيبى وروح قلبى ونور عيونى
وكل حياتى ودنيتى




  10
Sp!deR M@N
والله يا اسماء بجد الكلام ده كله ميجيش جزء من مليون من اللي تستحقيه
انتي عملتي فيا حاجات كتير ::: كفاية انك مخلياني استحمل كل اللي انا فيه
لانك السبب الوحيد اللي عشانه لحد دلوقتي صامد وواقف علي رجلي وبقول لا واه
وانتي اكتر واحده عارفه لو مكنتيش انتي في حياتي
كانت انتهت حياتي علي ايه ::: وكانت هتبقي عاملة ازاي ::: وكنت هبقي مع مين
بجد يا اسماء انا بحبك اوي ومقدرش استغني عنك ابدا
  11
Sp!deR M@N
ان شعرت يوما انك مجروح ووحيد وانه لا يوجد من يحبك ويهتم لأمرك
فأنت مخطئ
انظر حولك وتأمل وابحث
ستجد الكثير ممن يحبونك يتألمون لألمك ويسعدون لفرحك
فهم كنوز لا تضيعهم من بين يديك
بقلمي الخاص / ! Spidey !
  12
قلب المحيط
بجد كلام جميل جداااا يا محمد ويارب
يخليلك smsma
وكمل ابداعك يا محمد بصراحه انت مبدع

Powered by vBulletin®Copyright ©2000 - 2014
جميع الحقوق محفوظة لمنتديات شباب اليوم 2013-2014-2015-2016-2017