العودة   منتديات شباب اليوم > الادارة > اخبار موقع ومنتديات شباب اليوم



توضيح للمرة الثالثة : المنتدى مش للتعارف !

السلام عليكم ورحمة الله وبركاتة ياجماعه كتير نبهنا وقولنا ان المنتدى مش وسيله للتعارف او بناء علاقات بين شاب وبنت سواء صداقة او حب ,, مافيش حد بيشيل المسؤليه او

  1
MOODY
السلام عليكم ورحمة الله وبركاتة

ياجماعه كتير نبهنا وقولنا ان المنتدى مش وسيله للتعارف او بناء علاقات بين شاب وبنت سواء صداقة او حب ,, مافيش حد بيشيل المسؤليه او الذنب غير ادارة المنتدى علشان كدا تنبية للمرة الثالثه

المنتدى مش للتعارف وخلق علاقات ...

فى البداية الكلام للجميع مش لشخص معين .

بنت عايزة تتعرف على بنت صحاب مافيش مشكلة
شاب عايز يصاحب شاب صديق شغال جميل جدا

لكن بناء علاقات غرامية او صداقة بين ولد وبنت عن طريق المنتدى ده ممنوع وذكرنا قبل كدا ان تبادل الايميلات او التلميح لتبادل الايميل او طلب الايميل من ولد لبنت مخالف لقوانين المنتدى , والمخالفة بحظر لمدة 5 ايام .

فى بنات هنا زي اخواتنا احنا بنحافظ عليهم دي امانة فى رقابتنا عايز تتعرف على بنات الفيس بوك موجود لكن فى شباب اليوم صعب , لو فى بنات مش شايفه ان ده عيب او مش حرام ليها وجهة نظر , وتحترم بس احنا لينا وجهة نظر تانية وزي مالينا اخوات بنات بنخاف عليهم بردو بنخاف عليكم زي اخواتنا

المنتدى معمول ليه ؟

للافادة والمنفعة المتبادله وخدمة الغير والمناقشة المفيدة فى أمور الحياة والسياسه وتقديم خدمات التغطيات الاخبارية وعالم المرأة والصور الخ ..
عايز تعمل صداقة محترمة عن طريق رسائل الزوار مافيش مشكلة على راسنا من فوق لكن ايميلات وارقام موبايلات ممنــوع ..

يرجي مراجعة دستور المنتدى

دستور منتديات شباب اليوم

شكراً لكم وربنا يديم المحبة ..


  2
Sp!deR M@N
. . .
شكرا ليك علي التنبيه يا (مودي)
ومفيش جديد اقدر اضيفه علي كلامك لان كلامك اوفي واشمل كل الجوانب
. . .
  3
أخلاقي أساس حياتي
لا اله الا الله انا مش فاهمه الناس دى عايزة ايه

انا مش فاهمه البنت اللى بتتعرف على ولد نت

دى عايزة منه ايه والله اخرته كلام ولا عمره هيعبرك

واحنا هنا كلنا اخوات وفى مكان محترم اخرنا

خالص نهنى بعض فى المناسبات او نسأل عن

حد بيغيب فترة بدون سبب لا اكتر ولا اقل

اى حد عايزة حاجه تانى يدور على مكان تانى

انا زهقت اصلا ايه التفاهه دى

شكرا ابو عمر واى حد يتجاوز اعمله بلوك
  4
Amira
كلام جميل محمود

بس بعد اذنك اقول راى متهيقلى ايقاف 5 ايام عقاب بسيط ياريت يكون عقاب اشد من كدا
  5
hashim
انا اؤيد هوبه فيما قالته 5 ايام ايقاف مده بسيطه

ويا ريت لو كان في عقاب اشد

نحن اخوان تجمع الاخوه في الله

لا ادري ماذا يفيد الشابه او الشابه اذا اخذا ميل بعض

وخاصة الفتاه من يدري ماذا يمكنه ان يفعل الشاب اذا حدث خلاف بينهم

يمكن للشاب ان يستخدمه ضدها

اني احذر اي فتاه من ان تعطي ايميلها لاي شاب مهما كانت نيته

في النهايه نحن اخوه اجتمعنا فيما يرضي الله واذا كان هناك فراق سنفترق ونحن اخوه بما يرضي الله




وتحياتي
  6
ROONY
تسلم اخى ابو عمر على التنيبه
وان شاء الله سوف ينفذ بكل حرف
دون اى تفريط فى الامر
بارك الله فيك
حفظك الله اخى وسلمنا من كل شر

Powered by vBulletin®Copyright ©2000 - 2014
جميع الحقوق محفوظة لمنتديات شباب اليوم 2013-2014-2015-2016-2017