العودة   منتديات شباب اليوم > المنتدي العام والنقاش > المـنتدى الاسلامي والـقرأن الـكريـم



رمايه الدعاء

في البداية أحب أسأل في حد معندوش مشاكل ؟! أو في حد مش نفسه في شوية آمال كده نفسه يحققها ؟! في حد يقدر يستغني

  1
نسيم الاسلام
في البداية أحب أسأل في حد معندوش مشاكل ؟!

أو في حد مش نفسه في

شوية آمال كده نفسه يحققها ؟!


في حد

يقدر يستغني عن ربنا ؟! 1312021867_605.gif

في حد ما ارتكبش ذنب ومش خايف ربنا إن ربنا

يأخذه علي الذنب ده ؟!1312021868_276.gif

في حد يقدر

يستغني عن رحمة ربنا سبحانه وتعالي ؟! في حد يقدر يستغني عن هداية وتوفيق

الله تعالي ؟!1312021870_869.gif

وده كله بيتحقق وبنتخلص من اللي تاعبنا في شرف الدعاااااء1312021866_593.gif



طيب انت بتدعي ازاي وامتي ؟!!!!

ممكن يكون سؤال غريب صح


غريب إني أسأل إنك بتدعي إمتي


طيب تعالوا نعرف الدعاء ده هو العبادة

والعبادة دي جميلة ازاي وهقولكم في الآخر ليه سألت السؤال ده

أول حاجة لازم نعرفها إن الدعاء ده هو العبادة

ونحط 100 خط تحت عبادة يعني الدعاء ده مش شئ إستثنائي وقت ما تكون في ذنقة بس تدعي علشان ربنا ينجيك

لأ ده انت كمان بتعبد ربنا بيه وبتتقرب منه

{وَقَالَ رَبُّكُمُ ادْعُونِي أَسْتَجِبْ لَكُمْ إِنَّ الَّذِينَ يَسْتَكْبِرُونَ عَنْ عِبَادَتِي سَيَدْخُلُونَ جَهَنَّمَ دَاخِرِينَ }غافر60


فالدعاء ده هو أعلي أنواع العبادة وأرفعها وأشرفها

والأية الكريمة وضحت إن الدعاء عبادة

وربنا سبحانه وتعالي أمر عباده بالدعاء واللي مش يدعي ربنا يبقي متكبر

يا نهار أبيض شفت الدعاء مهم ازاي 1312021866_914.gif

ومفيش أقبح من الإستكبار ده لأن الواحد لما يترك دعاء من رازقه وخالقه وموجده من العدم وخالق العالم كله ومحييه وموجده من العدم يبقي بجد حاجة وحشة اووووي1312021867_730.gif

لأ ده كمان العلماء بيقولوا ان الإستكبار ده شعبة من الجنون وشعبة من كفران النعم


يا نهااااااار أبيض كل ده 1312021866_812.gif

ده انت بعدها تدعي ليل نهار وما أحلي من الدعاء بقلب متعلق بالله ويحمل الرجاء والخوف منه

طيب غير إن الإنسان ده هيكون متكبر ممكن يحصله إيه تاني

عارفين هيحصل إيه

ربنا هيغضب عليه1312021869_639.gif

لا ده تهريج 1312021870_575.gif

لا مش تهريج ولا حاجة

ده كلام حبيبك محمد صلي الله عليه وسلم


قال رسول الله صلي الله عليه وسلم

(من لم يسأل الله يغضب عليه ) رواه الترمزي وصححه الألباني



لا خلاص ده انا مش هسيب الدعاء ده نهائي 1312021868_601.gif




طيب انت لما تبقي في كرب بتبقي نفسك ربنا يستجيبلك بسرعة صح

طيب شوف بقي الحديث ده

عَنْ أَبِي هُرَيْرَةَ -رَضِيَ اللَّهُ عَنْهُ- قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: ((مَنْ سَرَّهُ أَنْ يَسْتَجِيبَ اللَّهُ لَهُ عِنْدَ الشَّدَائِدِ وَالْكَرْبِ؛ فَلْيُكْثِرْ الدُّعَاءَ فِي الرَّخَاءِ)) رواهُ التِّرمذيُّ، وصحَّحه الألبانيُّ في السِّلسِلة الصَّحيحة: 595.



يعني هنا في الرخاء تقعد تدعي ربنا بالشفاء وحفظ جسدك من الأسقام وشكر ربنا علي النعم وإنك تعترف بالمنن اللي ربنا من بيها عليك وتسأله أن يوفقك ويسدد خطاك في حياتك

وتسأله التأييد وتستغفر عن التقصير في حقه سبحانه



طيب تعالوا نشوف لما الواحد بيدعي ربنا بيكون كسبان ازاي

قال عليه الصلاة والسلام: "ما من مسلم يدعو الله بدعوةٍ ليس فيها إثمٌ ولا قطيعة رحم إلا أعطاه الله بها إحدى ثلاثٍ: إما أن يعجل له دعوته، وإما أن يدخرها له في الآخرة، وإما أن يصرف عنه من السوء مثلها" قالوا: إذاً نكثر. قال: "الله أكثر". رواه الترمذي وأحمد.

يعني شوفت بقي بتكون كسبان ازاي

يبقي ازااااي نسيب الدعاء ده احنا أحوج ما يكون إليه


تعالوا نتخيل كده موقف بيدايقني اوي

لو واحد مثلا كان محتاج شغل او أي حاجة تانية تقوله ادعي وجهه يتغير مرة واحدة طب ليه بالعكس ان قلتلك أقوي حاجة

لكن لو قلتله إنك تعرف واحد واسطة بقي وهيخلصلك الموضوع يبقي انت كده ماشاء الله يبقي هيطير من الفرحة ومش عارف يشكرك ازاي 1312021867_730.gif

إشمعنا مع إن في الأول أقوي وأفضل من الواسطة والكوسة دي 1312021869_542.gif
هو بالشكل ده عاجز فعلا 1312021869_639.gif

ده مش كلامي

ده كلام حبيبنا محمد صلي الله عليه وسلم

فعن أبي هريرة - رضي الله عنه - أن النبي - صلى الله عليه وسلم - قال: "أعجز الناس من عجز عن الدعاء، وأبخل الناس من بخل بالسلام".



أعجز هنا يعني أعجزهم رأيا وأعماهم بصيرة

لا تسألن بني آدم حاجة **وأسأل الذي أبوابه لا تحجب

مابين طرفة عين وانتباهتها **يغير الله من حال الي حال





طيب إقرأ القصة دي كده وهتأكد الكلام ده

جاءت امرأة إلى بقية الأندلس وقالت له : إن ابني قد أسرته الإفرنج وإني لا أنام الليل من شوقي إليه , فليس لي ليل ولا نهار , ولا صبر ولا قرار , فقال : انصرفي حتى ننظر في ذلك إن شاء الله .. وأطرق الشيخ وحرك شفتيه يدعو الله لولدها بالخلاص وذهب , فما كان غير أيام حتى جاءت المرأة وابنها معها فقالت : اسمع خبره يرحمك الله .. فقال : كيف كان أمرك ؟ قال : إنني كنت فيمن يخدم الملك ونحن في القيود , وبينما أنا ذات يوم أمشي سقط القيد من رجلي , فأقبل علي الموكل بي فشتمني وقال : أفككت القيد ؟ قلت : لا , قال : من فك القيد من رجليك ؟ فقلت : والله لا أدري , ولكن سقط ولم أشعر .. فجاءوا بالحداد فأعدّوه مرة أخرى وسمّر مسماره وقيّد رجله , يقول : ثم قمت فسقط مرة أخرى , قال فسألوني :هل لك والدة ؟ قلت : نعم , قالوا : اتركوه وأطلقوه فإن خلف هذا دعوة مستجابة .. يقول : فأطلقوني .. فسأله الشيخ عن الساعة التي سقط فيها القيد , فإذا هي نفس الساعة التي دعا له فيها الشيخ .

الله أكبر , لا إله إلا الله , { وإذا سألك عبادي عني فإني قريب أجيب دعوة الداعي إذا دعانِ } لا إله إلا الله , قريب يسمع ويجيب ويعطي القريب والبعيد , لا إله إلا الله قريب يغيث اللهفان ويشبع الجوعان ويسقي الظمآن ويتابع الإحسان , لا إله إلا الله , قريب عطاؤه ممنوح إنت عارف إن الدعاء أكرم شئ علي الله
وخيره يغدو ويروح وبابه مفتوح , حليم كريم صفوح , لا إله إلا الله قريب يدعوه الغريق في البحار , والضال في القفار , والمحبوس خلف الأسوار , كما دعاه عبده في الغار ..




قال النبى صلى الله عليه وسلم (ليس شئ أكرم على الله تعالى من الدعاء )


رواه أحمد والبخارى وحسنه الألبانى



ليس شئ من الأذكار والعبادات أكرم عند ربنا من الدعاء

طيب ليه ؟؟

لأن القلب بيظهر فيه الإفتقار والعجز والتذلل والإعتراف بقوة الله وقدرته


ده انت لما بتدعي ربنا بيسحي يرد يديك خائبتين صفرا

يا إلهي إيييييه

اه بجد


قال صلى الله عليه وسلم { إن الله حي كريم يستحي إذا رفع الرجل إليه يديه أن يردهما صفرا خائبتين }



وانت مش مستحي من نفسك لما تترك الدعاء ولا تكسل عنه ولا لما تحس إنك بتدعي بفتور كده وإنت بتدعو الملك ربك اللي خالقك !!!
1312021866_654.gif


طيب لما أجي أدعي المفروض قلبي وكياني حاسس بإيه أو إيه شعوري وانا بدعي

أهم حاجة إنك تحسن الظن بالله في الإجابة يعني تدعو وإنت موقن بالإجابة

انا هدعي و بإذن الله الإمر هيحققه ربنا 1312021867_782.gif

شوف الحديث ده كده

عَنْ ‏‏أَبِي هُرَيْرَةَ ‏: ‏أَنَّ رَسُولَ اللَّهِ ‏‏صَلَّى اللَّهُ عَلَيْهِ وَسَلَّمَ ‏‏قَالَ :‏ ‏إِذَا دَعَا أَحَدُكُمْ فَلَا يَقُلْ : اللَّهُمَّ اغْفِرْ لِي إِنْ شِئْتَ ، وَلَكِنْ ‏ ‏لِيَعْزِمْ ‏‏الْمَسْأَلَةَ ‏‏، وَلْيُعَظِّمْ الرَّغْبَةَ ؛ فَإِنَّ اللَّهَ لَا ‏ ‏يَتَعَاظَمُهُ ‏ ‏شَيْءٌ أَعْطَاهُ.

يعني تطلب من ربنا بشدة ومن غير تضعيف ولا تعليق علي مشيئة ونحوها وده من باب إحسان الظن بالله

يبقي بجد جواك يقين إن ربنا هيستجيب دعائك هيستجيب تماااااام اليقين 1312021867_782.gif

طيب هنا ليه كرهوا المشيئة

لأن المشيئة هنا بتأتي مع لو أحد أكرهته إنه يعملك حاجة فبتخفف عنه

وطبعا ده متنافي مع ربنا فربنا لا يتعاظمه شئ

فهمت ليه مينفش نقول لحد ربنا يوفقك إن شاء الله أو ربنا يهديك إن شاء الله

لأ تقوله ربنا يهديك ويوفقك اللهم آمين1312021867_782.gif

1312021865_222.png


طيب في حاجة مهم جداااااااااا

ميمنعش تقصيرك إنك تدعي

يعني متقولش انا مليان معاصي وذنوب ومقدرش أرفع إيديه لربنا ازاي

لأ ومليون لأ

أيوة إنت قبل ما تدعي إستغفر وتوب وجدد التوبه بقلبك 1312021866_593.gif

وادعي ربنا 1312021867_782.gif

فقد قالابن عيينة:لا يمنعن أحدا الدعاء ما يعلم في نفسه - يعني من[ص:145 ]التقصير - فإن الله قد أجاب دعاء شر خلقه وهو إبليس حين قال((قَالَ رَبِّ فَأَنْظِرْنِي إِلَى يَوْمِ يُبْعَثُونَ * قَالَ فَإِنَّكَ مِنَ الْمُنْظَرِينَ * إِلَى يَوْمِ الْوَقْتِ الْمَعْلُومِ))1312021865_222.png
نيجي بقي دلوقتي لنقطة مهمة جداااا

وهي إن الواحد يستعجل في الدعاء1312021869_542.gif

تقوله ادعي يقولك انا دعيت كتييييير ومفيش استجابه خلاص انا فقدت الأمل

لأ غلط كده1312021869_639.gif

فيالبخاريمن حديثأبي هريرةأن رسول الله - صلى الله عليه وسلم - قال :يستجاب لأحدكم ما لم يعجل ، يقول : دعوت فلم يستجب لي.
طيب ليه كده غلط؟؟

لأن بكلامك ده كأنك بتمن علي ربنا أو إيه بقي انت جبت الدعاء اللي المفروض تنزل الإجابة علطول بعده 1312021866_654.gif

للأسف كده إنت بقيت زي المبخل للرب الكريم الذي لا تعجزه الإجابة ولا ينقصه العطاء

وكمان لازم تاخد بالك لما تدعي متجيش تدعي علي حد بقي تبقي متغاظ ولا حاجة وتدعي علي حد1312021868_373.gif

ففي صحيح مسلم عنه :لا يزال يستجاب للعبد ، ما لم يدع بإثم أو قطيعة رحم ، ما لم يستعجل ، قيل : يا رسول الله ما الاستعجال ؟ قال يقول : قد دعوت ، وقد دعوت ، فلم أر يستجاب لي ، فيستحسر عند ذلك ويدع الدعاء.


انت عارف لما بتدعي علي حد بإثم بيحصل إيه؟؟


الملائكة بترد عليك وتقولك وإنت (ولك بالمثل )1312021866_812.gif

يا نهار ألوان

اه هو الموضوع بالسهل كده

فخلاص بإذن الله مفيش حكاية بدعي وربنا مش بيستجيب مني

ده أصلا الإسلوب ده إنك تستمر في الدعاء أدب من آداب الدعاء لأنك بتدلل إنك مش هتيأس وكمان بتظهر الإفتقار والإنقياد

والإستسلام لله 1312021867_669.gif

وقال احد الصالحين انا اشد خشية ان احرم الدعاء من أن احرم الإجابة

وصدق رسول الله صلى الله علية وسلم ( من فتح له باب الدعاء فتح له باب من أبواب الرحمة)

1312021865_222.png


طيب تعالوا نشوف هدي النبي لما كان بيدعوا يدعوا ازاي


كان يبدأ بنفسه

في سنن الترمذي عن ابن عباس رضي الله عنهما عن أبي بن كعب:أن رسول الله صلى الله عليه وسلم كان إذا ذكر أحدا فدعا له بدأ بنفسه.

لأن لما يبدأ بنفسه أقرب للإجابة وأخلص في الإضطرار وأدخل في العبودية وأبلغ في الإفتقار وأبعد عن الزهو والإعجاب

حتي باقي الأنبياء كانوا يبدأوا الدعاء لأنفسهم

فسيدنا نوح لما دعي قال

رَبِّ اغْفِرْ لِي وَلِوَالِدَيَّ وَلِمَن دَخَلَ بَيْتِيَ مُؤْمِنًا وَلِلْمُؤْمِنِينَ وَالْمُؤْمِنَاتِ وَلا تَزِدِ الظَّالِمِينَ إِلاَّ تَبَارًا (28


وقال الخليل وَاجْنُبْنِي وَبَنِيَّ أَن نَّعْبُدَ الأَصْنَامَ)


وقال ربِّ اجْعَلْنِي مُقِيمَ الصَّلاَةِ وَمِن ذُرِّيَّتِي رَبَّنَا وَتَقَبَّلْ دُعَاء

طيب لما أجي أدعي أدعي بكل اللي نفسي فيه ولا لأ ؟؟؟

أه طبعا وتكتر من الدعاء بكل اللي نفسك فيه ولا تختصر ولا تقتصر والكثير

والقليل حتي شسع النعل (يعني حتي لو في حذاءك )


انت بس عظم الرغبة ووسع المسألة ده ربك مالك الملوك خزائنه لا تنضب

عنده كتيييييير لا يعد ولا يحصي وهو أهل الجود والكرم وخزائنه دائمه لا

ينقصها شئ ولا يفنيها عطاء وإن جل وعظم لأن عطاءه بين الكاف والنون

[إنما قولنا لشئ إذا أردناه أن نقول له كن فيكون]




بس المهم يكون خير من شر زي ما اتفقنا



والدليل علي كده عن عائشة رضي الله عنها عن الرسول صلي الله عليه وسلم قال(إذا تمني أحدكم فليكثر ,فإذنا يسأل ربه )

1312021865_222.png

طيب ممكن حد يكون حاسس خلاص الحاجة هتحصل هتحصل

مثلا يعني خايف من النتيجة أو كده وهو حاسس مش حالل كويس

في أمل أدعي1312021869_639.gif


أه طبعا لأن مفيش غير الدعاء اللي هيرد القضاء

والدليل

"لا يرد القضاء إلا الدعاءولا يزيد في العمر إلا البر" رواه الترمذي، وروى أحمد وابن حبان والحاكم عن ثوبان مثله

لأن العبد مش عارف هو إيه المكتوب له فالمفروض ميتهاونش بالدعاء


علشان كده إدعي بكل يقين وبقوة وأعظم في الأمر1312021867_782.gif

خلي سهمك قوي وينفذ

متخلهوش رخو وميصبش

خليك ذكي بقي1312021869_272.gif

أكيد عرفتوا إجابة السؤال بالتأكيد



  2
أخلاقي أساس حياتي
اللهم ارزقنا حبك وحب من يحبك

اللهم ارزقنا الجنه

ربنا يسامحنا ويغفر لنا

ربنا يرحم امواتنا جميعا
  3
أخلاقي أساس حياتي
ربنا يجازيكى الجنه على احلى مواضيع

يا احلى بنوته فى العالم

Powered by vBulletin®Copyright ©2000 - 2014
جميع الحقوق محفوظة لمنتديات شباب اليوم 2013-2014-2015-2016-2017